Пошук па сайту
Мы ў сетках:
Маладзечна -2° Маладзечна
Вілейка -2° Вілейка
Смаргонь -2° Смаргонь
Ашмяны -2° Ашмяны
Валожын -2° Валожын
Мядзел -2° Мядзел
Астравец -2° Астравец
Грамадства
5 Вілейка
23.02.2016 16:44 ,AЎТАР(Ы): Паліна ГАРДЗЕВІЧ, гімназіі №1 “Логас” Вілейкі, 8 "Б" клас

Эсэ на конкурс ад "РГ". Паліна Гардзевіч з Вілейкі: "Што я раскажу пра свой край чалавеку, які ніколі не быў у Беларусі"

Фота rh.by.

Эсэ васьмікласніцы вілейскай гімназіі №1 “Логас” Паліны Гардзевіч.

Што я магу расказаць пра свой край? О, шмат чаго! У майго роднага краю ёсць шмат легендаў і паданняў…

Мой любы горад Вілейка. Тут я нарадзілася, жыву, вучуся. А пачала б я свой аповед з Віллянінага хутара. Гэта адно з тых месцаў у Вілейцы, якое больш за ўсё мае легендаў. Побач з хутарам працякае рака Вілія. Яна ўзяла сваё імя ад Вілляны, якая плакала каля Сцяпан-каменя па сваім каханым, якога зачаравалі. Згодна з паданнем, са слёз Вілляны ўтварыўся невялікі ручаёк, які потым ператварыўся ў рэчку, вялікую і вілястую. А наша Вілія цячэ не толькі па Беларусі, а таксама на тэрыторыі Літвы, дзе і завецца Нерыс. Літоўцы вельмі ганарацца ёю. Мы, віляйчане, таксама.

А далей мой расказ пра горад плаўна пераходзіць на нашу цэнтральную плошчу Леніна. Цяпер яна вельмі змянілася і стала сапраўдным помнікам архітэктуры. Сюды абавязкова прыходзяць госці нашага горада. Гэта любімае месца і моладзі, і сталых людзей. Крыжаўздзвіжанскі касцёл і царква Прападобнай Марыі Егіпецкай – два помнікі архітэктуры, якія не толькі ўпрыгожваюць наш горад, але і аб’ядноўваюць усіх прыхажан ужо больш за 100 год. Дрэва сяброўства, каляровы фантан, лавачкі для адпачынку, дрэўцы, кветкі і, канешне, помнік Леніну…

А далей парк. Які ён прыгожы ў розныя поры года! Асабліва апошнім часам, калі там з’явіліся героі розных казак. Скульптуры сталі найлепшым падарункам Валерыя Апарыка маленькім гараджанам.

Ідзём па вуліцы Савецкай – самай старажытнай вуліцы нашага горада. Помнік двойчы Герою Савецкага Саюза Азі Асланаву, танкавая брыгада якога вызваляла Вілейку ад нямецка-фашысцкіх захопнікаў.

Таксама вельмі знакамітая плошча Свабоды, у цэнтры якой ўзведзены помнік воінам-партызанам. Менавіта сюды прыязджаюць маладыя пары, каб пакласці кветкі і падзякаваць салдатам за мірнае неба над галавой. Тут жа, на плошчы, размешчаны Вілейскі  краязнаўчы музей і выставачная зала… Сюды я абавязкова прывяду свайго іншагародняга сябра. Іменна ў музеі можна пазнаёміцца з гісторыяй і культурай вілейскага краю ад старажытных часоў да 21 стагоддзя.

А зараз сядзем на аўтобус і паедзем у адзіны ў Беларусі музей пад адкрытым небам “Памяці зніклых вёсак”.  Тут можна не толькі правесці экскурсію, пазнаёміцца з назвамі ўсіх вёсак, якія зніклі з карты нашага раёна, але і добра адпачыць на прыродзе, падыхаць чыстым лясным паветрам.

Напрыканцы нельга не сказаць пра наша Вілейскае вадасховішча. Яно з’яўляецца самым вялікім штучным вадаёмам у Беларусі. Яно дапамагае жыхарам Вілейкі і Мінска не застацца без вады.

А яшчэ гэта самае любімае месца летняга адпачынку не толькі віляйчан, але многіх гасцей. А як не ўспомніць пра рыбалку! І зімой, і летам, і восенню, і вясной – кожны дзень можна сустрэць рыбакоў па берагах нашага любімага вадасховішча.

Наш горад хоць і маленькі, але вельмі прыгожы і прыемны для адпачынку. Таму шмат людзей прыязджаюць сюды, каб адпачыць. Перш за ўсё адпачыць душой. Калі вам надакучыла шумнае сталічнае жыццё і вы шукаеце месца для адпачынку, калі ласка! Запрашаем!

Абмеркаваць
Каментар (5) / Дадаць каментар
27.02.2016 17:07
Даша / Мне вельмі спадабалася!:)
27.02.2016 17:08
Даша / Мне вельмі спадабалася!:)
27.02.2016 21:10
игорь / Лучшее эссе у Полины
27.02.2016 21:17
Серж / Я за Полину
6.12.2017 21:55
ДМИТРИЙ / Прочитал все произведения выставленные на конкурс. Понравились все. Дети молодцы. Но всё таки свой голос отдам Полине Гардевич. Наверное потому, что сам бы так выразил свои мысли.
Дадаць каментар
Новае на сайце