Пошук па сайту
Мы ў сетках:
Маладзечна +18° Маладзечна
Вілейка +18° Вілейка
Смаргонь +18° Смаргонь
Ашмяны +18° Ашмяны
Валожын +18° Валожын
Мядзел +18° Мядзел
Астравец +18° Астравец
Беларусь
2
24.01.2017 17:15 ,AЎТАР(Ы): Зоя ХРУЦКАЯ

Святлана Алексіевіч: чаму Лукашэнка і Пуцін зразумелі народ лепш за інтэлігенцыю і за што сёння паміраюць кантрактнікі

Фота liveberlin.ru.

Нобелеўская лаўрэатка атрымала дыплом ганаровага сябра Беларускай асацыяцыі журналістаў ў апошнія дні мінулага года.

Наш карэспандэнт прысутнічаў на ўрачыстасці. Прапануем тэзісы з яе размовы з журналістамі пасля ўрачыстасці.

Слава патрабуе шмат фізічных сіл. 17 краін за год – гэта цяжка.

На пытанне, ці надакучылі журналісты: Ну так. Не столькі нашы, колькі замежныя. Гэта цікава пабываць у Калумбіі, Кітаі, але хочацца ўжо цішыні, каб не было бясконцых інтэрв’ю.

Кніга “Час сэканд-хэнд”, напэўна, вельмі дакладна патрапіла у часе. “Вашынгтон пост” унёс яе ў дзясятку лепшых за год. Шкада, што яна тут, а асабліва ў Расіі, не мае таго патэнцыялу для яе абмеркавання. 30 год аддадзена гэтай працы. Але ніхто не думаў, што будзе такое вяртанне назад, ніхто не прадказаў.

Я расла з кожнай кнігай і са сваім часам.

Я баюся рэвалюцыі і крыві. Рэвалюцыі нічога не вырашаюць. Бачыць прыніжэнне чалавека вельмі цяжка.

Фота NewsBel.by.

Фота NewsBel.by.

Ні Беларусь, ні Украіна не трэба Расіі свабоднымі. Нешта ёсць у расійскай гісторыі, што робіць свабоду катэгорыяй, якая не бярэцца ў разлік. Просты рускі чалавек скажа: “Што яшчэ за Беларусь? Толькі мову псуяце”.

І ведаеце, фігура Лукашэнкі стварыла нейкі бар’ер на шляху хуткага паглынання Беларусі Расіяй.

Цяпер час яшчэ горшы, чым савецкі, таму што дадаўся фактар цёмнага праваслаўя, і на яго робіцца стаўка. Напрыклад, у Італіі ў багаслоўскіх школах  вучылі здзіўляцца свету, гэта філасофія. А тут жа вучаць, што дзіця – уласнасць сям’і, што дзіця можна біць. Гэта страшна.

А заявы, што ўзніклі пасля пачатку вайны ва Украіне: нарэшце закончыліся сытыя гады, сытасць рускаму чалавеку не падыходзіць. Ён не рэалізуецца ў такі час. Рускаму чалавеку трэба звышідэя. Не парадак у двары наводзіць, а свет перайначваць. Руская ментальнасць заўсёды гатовая падмануцца ідэяй утопіі. Я думаю, што гэта чырвань “чырвонага чалавека” ёсць у кожным з вас. І справа ў тым, што няма ні рускай, ні беларускай эліты, якая магла б стварыць новыя ідэі. Наша культура барыкадная, а культура разбурэння нічога не змяняе.

Беларускія журналісты не выйшлі на той узровень, што расійскія. Інфармацыйная форма крытыкі ўжо не цікавая. Чытачы хочуць новую філасофію, сур’ёзны погляд. У нашай журналістыцы ёсць малаадукаваныя людзі, якіх узровень вялікіх ідэй не цікавіць. Вакол матэрыялу павінна быць біяполе, як вакол чалавека. Калі няма біяполя, то няма і сілы.

Рацыянальны чалавек свет не выратуе, толькі гуманітарны.

Мне цікава: чаму Лукашэнка і Пуцін лепш за нас, такіх адукаваных і разумных, зразумелі народ? Яны не аддаліліся ад яго. А мы сышлі ў свае тусоўкі, гаварылі адзін аднаму прыгожыя словы і аддаліліся ад таго, чым жыў народ.

Беларуская мова, культура, традыцыі – патэнцыял нашай спозненай нацыі, які атрымаў сёння шанец. Цяпер грамадства разумнейшае і за палітыкаў, і за апазіцыі, яно ўсё выдатна разумее. Але відавочна, што беларускасць – патэнцыял, і, магчыма, наш адзіны шлях.

Сёння позна фарміраваць нацыянальную ідэю. Цяпер існуюць дзве сілы: чалавек і дзяржава, і чалавек сёння сваё жыццё аддасць дзяржаве без ахвоты. Ён хоча пражыць, мае шмат магчымасцяў.

Як ніколі, сёння людзі хочуць жыць. І кантрактнікі, якія едуць ваяваць, паміраюць за грошы, а не за ідэю. За крэдыты, іпатэку. А “наверсе” афармляюць як смерць за ідэю.

Я цяпер рыхтую дзве кнігі: пра старасць і пра каханне. Але гэта не такая простая тэма. Калі кожны прыгадае свой досвед кахання, то зразумее, што наўрад ці выйшаў з гэтай гісторыі цэлым. У глянцавых часопісах шмат гісторый, але гэта гульня, якая не мае ніякага дачынення да чалавечай таямніцы.

Часам пра маю працу кажуць: прыйшла, паслухала, запісала. Але гэта погляд непрафесіянала. Я не толькі збіраю матэрыял, колькі філасофію, погляд. Толькі тады можна атрымаць тое, што схаванае за канонамі культуры.

Абмеркаваць
Каментар (2) / Дадаць каментар
25.01.2017 20:01
Виталий / Интересные идеи. Спорные, но интересные... Понятно, что человек - выдающийся. Это - не обсуждается. Известно, что человек - журналист, который написал книги, которые захватили мир и имеют политическую окраску. Очевидно, что человек не политик и философ, и не государственный и общественный деятель. Светлана интересна МИРУ, как писатель! Зачем писатели, музыканты, поэты ... и другие творческие люди лезут в политику, философию? Политика и философия - конкретные, точные, рациональные, системные ... и много другого можно добавить, но не совсем творческие дисциплины. Там нужно много знать конкретики, ее анализировать... и не плясать, петь и писать. Вот это и мягко сказать и напрягает. Но оценки ее... творчески интересны. Пишите, Светлана хорошие книги! Мы Вас будем читать, любить и ценить.
5.05.2017 02:37
kapitann / Художники, писатели, поэты – они будто бы очевидцы того, что происходит на кухне и из чего заваривается каша, которая вскоре будет изящно подана со всякими украшениями и приправками к столу - её едокам …. Художники, писатели, поэты - они будто бы провидцы того, что происходит впоследствии с едоками этой изящно поданной им к столу каши: когда ты вроде сыт, а хлебать тебе её всё равно приходится, а когда ты нахлебался каши той, то вместо сытости и сил вечный обретёшь покой иль покой тебе будет только снится…. Художники, писатели, поэты - они будто бы ясновидцы: знают истинное предназначение поданного кашеварами едоку блюда. ___________________________________ Вот такую конкретику могут раскрыть писатели. Очень мудрая и рассудительная женщина - С. Алексиевич. Её книги имеют не политическую, а гуманистическую окраску. Её книги имеют глубокий смысл, раскрытый простым словом.Как говорил Козьма Прутков: "Зри в корень", так книги С. Алексиевич побуждают читателей зрить в корень. ______________________________________ Зачем лезут в политику? Это же болото. А там много, почти поголовно, погрязших. Лезут спасать, чтобы вытащить погрязших из болотной трясины.
Дадаць каментар
Новае на сайце