RSSНа вёску - з канцэртам
Валожын, Aўтар: Марына Сліж, 26.01.2010. 17:08
З канцэртам перад жыхарамі вёскі Бабровічы выступілі у нядзелю, 24 студзеня, івянецкія артысты.
“Творчыя сустрэчы з жыхарамі раёна ў нас ужо сталі традыцыяй, – расказвае мастацкі кіраўнік Івянецкага Дома культуры Таццяна Аляшэвіч. – Часцей за ўсё выступаем са зборнымі канцэртамі. Свае нумары мастацкай самадзейнасці прадстаўляюць эстрадныя выканаўцы, танцавальны калектыў “Журавінка”, “Івянецкія музыкі”.
Прымаюць івянчан у населеных пунктах раёна цёпла. Людзі з задавальненнем праводзяць вечары ў кампаніі артыстаў. Перад новым годам парадавалі жыхароў вёскі Суднікі, а пасля таго, як дадуць канцэрт у Бабровічах, будуць рыхтавацца да свята чаю, якое пройдзе 30 студзеня ў Сілічах. Івянецкія культработнікі прадставяць там сваю эстрадную праграму, якая будзе разлічаная на 30 хвілін.
Марына СЛІЖ.
Паслаць камэнтар