Экспрэс-апытанне маладзечанцаў

– Пасрэдна. Аўтобусаў на лініі мала. Людзі доўга стаяць на холадзе і чакаюць аўтобуса. Таму хаджу пешшу.

Артур Шаўчук, прадпрымальнік:

– Я не карыстаюся грамадскім транспартам, у мяне свая машына. Скажу толькі, што аўтобусы рухаюцца павольна, а маршрутныя таксі больш камфортныя і хуткія.

Святлана Грамаціна, прадавец:

– Вельмі рэдка езджу на грамадскім транспарце, але нічога дрэннага сказаць не магу. Праўда, не ўсе аўтобусы ў гора­дзе камфортныя і прывабныя, хаця ў параўнанні з “Ікарусамі”, што былі раней, яны выглядаюць значна лепш.

Алег Смірноў, будаўнік:

– Аўтобусы ез­дзяць не па раскладзе. То спазняюцца, то прыходзяць раней на 5-7 хвілін. А пасля 20.00 вельмі цяжка прыехаць з далёкага мікрараёна горада ў яго цэнтр. Аўтобусаў у вячэрні час мала.

Кацярына Жаўняровіч, школьніца:

– Езджу рэдка, таму што люблю гуляць па горадзе, а на аўтобусе гэта не так прыемна. Калі б транспарт быў чысцейшы, кандуктары больш ветлівыя і добразычлівыя, можа б, ездзіла часцей.

Святлана Шыдлоўская, бармэн:

– Прыходзіцца ез­дзіць на працу на грамадскім транспарце. Мне падабаецца. У салонах утульна і цёпла. Ды і выглядаюць яны па-сучаснаму. А кандуктары ўважлівыя і ветлівыя.

Гутарыла Насця ГРЫГУЛЕВІЧ, моладзевая рэдакцыя “РГ”.