Міліцыянеры хабар не ўзялі

Вілейка, Aўтар: Сяргей ЗЯНЬКО, 8.02.2010. 17:02

Друкаваць Камэнтары (0) Пераслаць на э-адрас
Крымінальная справа ўзбуджаная за спробу даць хабар

Крымінальная справа ўзбуджаная за спробу даць хабар

Раённая пракуратура 5 лютага па матэрыялах аддзела па барацьбе з эканамічнымі злачынствамі ўзбудзіла крымінальную справу супраць 32-гадовага жыхара пасёлка Партызанскі, грамадзяніна Грузіі, які спрабаваў даць хабар работнікам міліцыі.

Намеснік начальніка райаддзела ўнутраных спраў Андрэй Дударчык расказаў у інтэрв'ю “РГ”: мужчына мае ў Беларусі пасведчанне на права жыхарства. У сваім доме на пачатку студзеня ён пасяліў траіх сваіх знаёмых, таксама грамадзян Грузіі, якія не зарэгістраваныя ў нашай краіне.

Участковы інспектар склаў на гасцей з паўднёвай краіны тры адміністрацыйныя пратаколы. Паводле гэтых дакументаў, яны павінны былі заплаціць штрафы за парушэнне правілаў знаходжання ў Беларусі. Замест гэтага гаспадар дома 7 студзеня пазваніў міліцыянерам і запрасіў іх да сябе ў Партызанскі.

Па словах Андрэя Дударчыка, за тое, каб супрацоўнікі міліцыі не прыцягвалі яго знаёмых да адміністрацыйнай адказнасці, гаспадар дома прапанаваў ім спачатку барана, а калі яны адмовіліся, спрабаваў даць хабар - 200 тысяч рублёў. Сума - меншая за памер штрафаў. Міліцыянеры грошай не ўзялі.

Крымінальная справа ўзбуджаная па артыкулах “Замах на злачынства” і “Дача хабару”. Грамадзяніну Грузіі, азербайджанцу па нацыянальнасці, па беларускім заканадаўстве пагражае да пяці гадоў пазбаўлення волі.

Сяргей ЗЯНЬКО.

Паслаць камэнтар

Captcha
Яшчэ з гэтай рубрыкі

Стратны цягач “Івека”
"Белаграпрамбанк" не знайшоў 420 мільёнаў беларускіх рублёў (для любога банка гэта мізэрная сума), а японскія...

Базарны дзень - Вілейка, 2.09.2010.1

Першы год з новым правапісам
Ну чаму? Проста аб тым, што чакае школьнікаў, як рыхтаваліся да зменаў педагогі, мы паказалі на прыкладзе...

Акно падзей - Вілейка, 28.08.2010.10

Спрацавалі не па-камсамольску
Аж читать противно: такое ощущение, что у руководство предприятий высшее оброзования на уровне...

Акно падзей - Маладзечна, 2.09.2010.1

Гісторыю Вілейкі знімуць на плёнку
Имею ввиду ваш комментарий, разумеется.

Культура - Вілейка, 13.08.2010.12

“Дажынкі” і новы духоўны цэнтр Маладзечна
А што з касцёлам зрабілася (на малюнку з кінатэатрам)?

Грамадства - Маладзечна, 1.09.2010.2

Галасаванне

Што варта нарыхтоўваць на зіму?

Бульбу. Бульба - галоўнае для беларуса
Варэнні і кампоты
Агуркі ў слоіках
Дровы
А я кажу - бульбу!
Вынікі|Усе галасаванні

АРХІЎ

Kурсы валют

EUR 3853.47

USD 3015

RUB 98.25